TAHADHARI KUHUSU AJIRA ZA STAMIGOLD , 9/12/2015

KAMPUNI YA STAMIGOLD MGODI WA BIHARAMULO

Kufuatia wimbi la Matapeli kutumia jina la kampuni wakidai kuwa wao ni wafanyakazi wa STAMIGOLD wenye uwezo wa kutoa ajira katika mgodi wa Biharamulo , kampuni ingependa kuchukua fursa hii kuutahadharisha Umma wa Watanzania kama ifuatavyo:

1. Nafasi zote za ajira zilizopo au zinazotokea katika kampuni hutangazwa kupitia magazeti ya Serikali hususani Daily news.

2. Kampuni haina utaratibu wa kufanya usaili (Interview) kwa njia ya simu.

3. Maeneo rasmi ya kufanyia usaili (Interview) ni mgodini Biharamulo na mara chache katika ofisi zetu zilizopo katika jengo la Shirika la Madini la Taifa (STAMICO) barabara ya Umoja wa Mataifa jijini Dar es salaam.

4. Kampuni haina utaratibu wa kutoza malipo yoyote kwa ajili ya usaili au kupata nafasi ya ajira.

5. Kampuni haina makubaliano na mtu au wakala wa ajira yeyote (recruitment agent) katika zoezi la kuajiri.

6. Anuani rasmi ya barua pepe itumikayo kupokea maombi ya nafasi za kazi pale zinapotangazwa ni hr.biharamulo@stamigold.co.tz

Tunawaomba Watanzania wote kuwa macho na matapeli hawa wanaopigia watu simu na kujinadi kuwa wanaweza kuwapatia ajira katika kampuni ya STAMIGOLD.

Imetolewa na:
Ofisi ya Mawasiliano
STAMIGOLD Biharamulo
Plot. No. 417/418 UN Road
S.L.P 78508 Dar es Salaam.

Email: info@stamigold.co.tz 

Website: www.stamigold.co.tz